عمرہ كے دوران احرام كب باندھا جائے؟

سوال

١۔ جناب محترم میں یہ پوچھنا چاہتا ہوں کہ عمرہ ادا کرتے ہوئے مجھے احرام کہاں سے باندھنا چاہیے۔ کیا جدہ میں اترتے ہی احرام باندھ لینا صحیح ہے؟ واضح رہے کہ میں Ivory Coast via Ethiopia. سے عمرہ ادا کرنے آ رہا ہوں۔ ٢۔ اور دوسرا عمرہ کرتے وقت مجھے احرام كب اور کہاں پہنچ کر باندهنا چاہیے؟

جواب

امید ہے آپ بخیر ہوں گے۔ آپ کے سوال کا جواب حاضر ہے۔

آپ نے پوچھا ہے کہ کیا میں جدہ اتر کر احرام باندھ سکتا ہوں جبکہ میں آئیوری کوسٹ سے براستہ ایتھوپیا آ رہا ہوں۔ دوسرے یہ کہ دوسرے عمرے کا احرام کہاں سے باندھا جائے۔

اگر آپ عمرے کی نیت سے سفر کر رہے ہیں تو آپ کا جہاز جس میقات کے پاس سے گزرے گا آپ کو اس پر احرام باندھنا ہے۔ ممکن ہے آپ کا جہاز اہل مدینہ کی میقات ذدالحلیفہ کے پاس سے پہلے گزرے یا اہل مصر وشام کی میقات جحفہ کے پاس سے گزرے۔ عام طور پر جہاز میں یہ بات بتا دی جاتی ہے کہ عمرہ یاحج کے لیے جانے والوں کے لیے فلاں میقات سے جہاز گزرنے والا ہے۔

دوسرا عمرہ کرنے کے لیے آپ جہاں مقیم ہوں وہیں سے احرام باندھ سکتے ہیں۔بہتر یہ ہے کہ آپ ایک ہی عمرہ کریں۔

مجیب: Talib Mohsin

اشاعت اول: 2015-07-25