نکاح متعہ

صرف صحىح مسلم اور صحىح بخارى ہى کو اگر دىکھ لىں تو شرىعت کے تمام امور کے برعکس ىہ واحد چىز ہے کہ جو غزوہ اوطاس، فتح مکہ اور جنگ ِخىبر کے مواقع پر تىن بارحرام ہوئى اور تىن بار حلال ہوئى اور پھر بالآخر قىامت تک کے لىے حرام کردى گئى!جبکہ اوپر ہم عرض کرچکے ہىں کہ سورہ معارج اور سورہ المومنون کے مطابق متعہ مکى دور ہى سے حرام تھا۔ تو کىا ـــــــنعوذ باللہ ـــــــ نبى اکرم قرآنى حکم کے برخلاف اس کى اجازت دىتے رہے اور پھر دو ىا تىن دن کے بعد اجازت واپس لىتے رہے۔ ىا ـــــنعوذ باللہ ـــــــکىا آپ کو پچھلى دفعہ کى حرمت بھول جاتى تھى؟ جبکہ آپ معصوم عن الخطا ہىں۔دىن کے باقى حکم بھى منسوخ ہوئے ہىں ، لىکن اس طرح کوئى نہىں ہوا کہ لوگوں کو معلوم تھا کہ وہ حرام ہے، انھوں نے آپ سے اجازت لى، آپ نے اجازت دى، دوسرىے ىا تىسرے دن ىہ اجازت اٹھا لى گئى۔ دوسرى جنگ کے موقع پر پھر ىہى ہوا، آپ نے لوگوں کو اجازت دى، دو ىا تىن دن کے بعد پھر اجازت واپس لے لى گئى، اس طرى تىسرى جنگ مىں بھى ہوا ۔ سوال پىدا ہوتا ہے کہ آىا ىہ اللہ کا رسول ہے ، ىا نہىں؟ جس کو اىک ڈىڑھ سال کے اندر ہى اندر تىن دفعہ بات کو بدلنا پڑا ۔اس لىے اس مسئلے مىں رواىات پر اعتبار نہىں کىا جاسکتا۔ کچھ سازش سى محسوس ہوتى ہے۔

مزىد ىہ بات بھى ذہن نشىن رکھىے کہ عربوں کى قبل از اسلام تارىخ مىں اس کا ثبوت نہىں ملتا۔ جو نکاح کے طرىقے قبل از اسلام عربوں مىں رائج تھے ان مىں متعہ ہر گز شامل نہىں تھا۔

اب رہا آپ کا آخرى سوال کہ نبى اکرم صلى اللہ علىہ وسلم کے زمانے مىں اىک کام ہو اور کىا ابو بکر و عمر رضى اللہ عنہما اس کو روک سکتے ہىں۔شرىعت کے مسئلے مىں انھىں ىہ حق نہىں ہے۔ ىعنى جہاں شرىعت نے کوئى حکم دىا ہو تو وہاں وہ اىسا نہىں کرسکتے ، لىکن جہاں معاملہ تدبىرى ہو، ىا شرىعت خاموش ہو، اور نبى اکرم کے زمانے مىں اس کے بارے مىں کوئى قانون نہ ہو تو وہاں قانون بناىا جاسکتاہے۔ مثلا نبى اکرم صلى اللہ علىہ وسلم نے سڑک پر چلنے کے لىے اشارہ کى پابندى کا کوئى قانون نہىں دىا تھا۔ ہم اس قانون کو بناسکتے ہىں۔ اىسا ہى قانون ابو بکر و عمر بھى بناسکتے تھے۔ ىہ ہمارى کم فہمى ہوتى ہے کہ ہم ان کے تمام قوانىن کو شرعى سمجھ لىتے ہىں۔ حالانکہ وہ محض انتظامى ہوتے ہىں(جىسےحضرت عمر کا فوج کے لىے تىن ماہ بعد گھر آنے کا قانون)۔

ابو بکر ، عمر، عثمان اور على رضى اللہ عنہم نے جتنے قانون بنائے ، وہ سب کے سب اسى انتظامى اصول پر بنائے گئے۔ مثلا نبى اکرم صلى اللہ علىہ وسلم کے زمانے مىں شرابى کو کوڑے نہىں لگائے جاتے تھے، حضرت على کا اجتہاد تھا کہ قذف کے اصول پر شرابى کو 80 کوڑے لگائے جائىں۔اب کوئى شخص ىہ کہہ سکتا ہے کہ جس جرم کى سزا نبى اکرم نے مقرر نہىں کى کىا حضرت على اسے مقرر کرسکتے ہىں۔ تو ہم ىہى کہىں گے کہ شرىعت کے دائرے سے باہر اگر مسئلہ انتظامى نوعىت کا ہے تو بناسکتے ہىں ، اور اگر شرىعت کے خلاف ہو تو نہىں بناسکتے۔اسى اصول پر بعد مىں فقہى قانون سازى ہوئى۔ بلاشبہ اس مىں کبھى حدود سے تجاوز بھى ہوتا رہا ہے مگر بہرحال اىک دائرہ اىسا ہے کہ اس مىں شرىعت سازى نہىں، لىکن قانون سازى ہو سکتى ہے۔

اسى طرح بسا اوقات ہمىں قانون کے بعض پىچىدہ پہلوؤں کا علم نہىں ہوتا، ابو بکر وعمر اور عثما ن و على جىسے لوگ اس سے واقف ہوتے ہىں ، جس وجہ سے وہ قانون کے اس پہلو کا استعمال کرلىتے ہىں جو ہمارے لىے نىا ہوتا ہے اور ان کے لىے وہ اس قانون کا مانا ہوا حصہ ہوتا ہے۔اس دائرے مىں ھى جب وہ اپنے فہم کا اظہار کرىں گے تو ہمىں لگے گا کہ وہ دىن کو بدل رہے ہىں۔